Publizitatea
Itxi

2015/10/10

17:34

kultura

Donostia 2016-Kontseilua

Hizkuntza gutxituen kongresuari jarritako salaketa kendu du Espainiak

Agentziak | Erredakzioa

Akordioa lortu dute Donostia 2016k eta Kontseiluak, azken horrek hizkuntza aniztasunaren kongresua bakarrik antolatu ez dezan. Ondorioz, Kultura Ministerioaren salaketa bertan behera geratu da.

  • Whatsapp
  • Whatsapp
  • Telegram
  • Bidali

Espainiako Kultura Ministerioak bertan behera utzi du Donostia 2016 Fundazioaren eta Kontseiluaren kontra jarritako salaketa, hizkuntza aniztasunaren kongresua antolaketarako Kontseiluaren alde ustez modu irregularrean egindako esleipena dela-eta.

Donostia 2016ko ekitaldien barnean sartuta dagoen kongresua da, eta joan den martxoan Kultura Ministerioak esleipenaren kontrako salaketa jarri zuen, lehiaketa publikorik gabe jardunaldi horren antolaketa Kontseiluari esleitzea egotzita (guztira, 422.000 euro).

Orain, akordioa lortu dute Donostia 2016k eta Kontseiluak, azken horrek hizkuntza aniztasunaren kongresua bakarrik antolatu ez dezan, eta ''hizkuntza aniztasunaren esparruko beste agente aktibo batzuek ere'' parte hartu dezaten.

Ondorioz, bertan behera geratu da salaketa, Donostia 2016k ohar baten bitartez jakitera eman duenez. Izan ere, akordioaren ostean, Kultura Ministerioak ''bermatutzat'' ematen ditu jardunaldi horien gainean jarritako ''helburuak''.

  • Hau zure interesekoa bada, baliteke beste gai hauek ere izatea:
  • Donostia 2016
  • Bisitatuena

      Kargatzen ikusiena
      Kargatzen ikusiena