Mendi lasterketak 2025

Korrikalari errumaniarrak 57 minutu eta 53 segundo behar izan ditu Kolitza mendia igo eta jaisteko, eta 2 minutu eta 31 segundo hobetu du iaz Muthoni kenyarrak egindako denbora. Gizonezkoetan, Roberto Delorenzi suitzarra saiatu da Patrick Kipngenoren marka hobetzen, baina ez du lortu.

Anne Bidalun ultratrail korrikalaria izan da "Helmuga" saioko protagonista. Saioan egindako elkarrizketa ikus dezakezue osorik bideo honetan.

Anne Bidalun korrikalaria elkarrizketatuko dute igande honetan ETB1eko "Helmuga" saioan. Bidalunek Guara Somontano lasterketa irabazi berri du. Saioa igandean izango da ikusgai, ETB1en, 11:30etik aurrera.

Julen Martinez de Estibariz eta Ainara Arkarazo jaun eta jabe izan dira larunbat honetan Hiru Haundiak lasterketan, Aizkorri, Anboto eta Gorbeia zeharkatu dituen 101 kilometroko proban.

Gorbeia Suzien probaren 12. edizioak euskal korrikalariak izan ditu protagonista. Aitor Ajuria izan da gizonik azkarrena, eta emakumezkoetan, garaipena lortzeaz gain, errekor berria ezarri du Lide Urrestarazuk.

Canfrancen hasi eta bukatu den 45 kilometro eta 3.650 metroko desnibeleko ibilbidean, Alonsok 5:38:08ko denborarekin bukatu du lasterketa. Irabazlea Tove Alexandersson suediarra izan da. Bestalde, Malen Osak hasi bezain laster utzi behar izan du lasterketa.

Gorbeia Suzien mendi-lasterketa larunbatean jokatuko da, Zeanurin. 800 korrikalari pasatxo lehiatuko dira, bi distantziatan: 32 kilometrokoan eta 21 kilometrokoan. Proba zuzenean ikusi ahalko da, 08:45etik aurrera, ETB1en eta eitb.eus atarian.

Gorbeia Suzien mendi-lasterketaren 12. edizioa lehiatuko dute larunbat honetan, irailaren 27an. Zeanuriko plazan hasita, 32 kilometroko ibilbide gogorra egin beharko dute parte-hartzaileek. 

Larunbat honetan egingo da Gorbeia Suzien mendi-lasterketa, eta, goizeko 08:45etik aurrera, ikusgai izango dugu ETB1en eta eitb.eus atarian.

Eba eta Magali ama-alabak dira, eta mendi-korrikalariak. Magali izan da urte askoan ama iritsi zain egon dena; orain, ordea, lekukoa eskuz aldatzen hasi da. Haien sentipenak kontatu dituzte elkarrizketa honetan.

Ehunmilak proba zornotzar batek irabazi du aurten. Ander Gerrikaetxebarria 02:00ak jota zirenean helmugaratu da, 15 ordu, 4 minutu eta 6 segundoko denbora eginda. Lehen emakumea, berriz, Maria Victoria Soler, 09:00etan helmugaratu da.

Izaban hasi eta amaituko da proba, ibilbideak 32 kilometro izango ditu, eta desnibel positiboa 2.000 metrotik gorakoa da. Asteazkenean aurkeztu egin dute, Iruñean.

Sara Alonsok 2025eko Zegama-Aizkorri mendi-lasterketa irabazi zuen. "Ametsa beteta" geratu dela adierazi du, eta garaipenak indarra eman diola datozen erronketan ere podiuma bilatzeko.

Aritz Egea mendi lasterkariak erretiroa hartuko duela iragarri du. Urte oso onak pasa izan ditu eliteko mendi lasterkari bezala eta jendearen babesa sentitu duela aitortu du. Orain lasai dago hartutako erabakiarekin.

Elhousine Elazzaoui marokoarra eta Sara Alonso donostiarra gailendu dira Zegama-Aizkorri mendi maratoian, biek ala biek indar erakustaldia eginda. Lehen aldiz irabazi dute, gainera, mendi lasterketa entzutetsua.

Paul Ormaetxea lehen euskal korrikalaria izan da Zegama-Aizkorri lasterketako helmugan bere lehen parte-hartzean.

Sara Alonso donostiarrak Zegama-Aizkorri lasterketa irabazi du, 4 ordu, 37 minutu eta 30 segundoko denbora eginda.

Igandean, maiatzaren 25ean, egingo da 2025eko Zegama-Aizkorri mendi-lasterketa. 2017an probako errekorra egin zuen Maiorak, 4 ordu eta 34 minutuko markarekin. Aurten, irabaztea ez da Maite Maioraren helburua izango, marka txukun batekin helmugaratzea baizik.

Kataluniarrak ez du parte hartuko, aurten, Zegama-Aizkorrin, eta horrek zabaldu egiten du irabazlegaien zerrenda; izan ere, Jornetek hamaika aldiz irabazi du proba, 2024an azkenengoz.

Dena prest dago 2025eko Zegama-Aizkorri mendi-lasterketarako. Maiatzaren 25ean, igandean egingo da. Aurten ez da Kilian Jornet egongo, baina goi-mailako parte-hartzea bermatuta dago.

Larunbat honetan jokatu da Domusa Teknik mendi-lasterketa Azpeitian, eta Mireia Ponsek eta Julen Calvok dastatu dute loria.

Apirilaren 26an, Nafarroa Xtrem mendi-lasterketa egin zen, eta 325 mendi-korrikalari inguru batu ziren bertan. Eguraldiak markatu zuen Zubirin jokatutako proba. Ikus ezazu laburpena.

Gizonezkoetan, Iraitz Legorburuk, eta emakumezkoetan, Jocelyne Paulyk irabazi dute Nafarroa Xtrem lasterketaren aurtengo edizioa. Eguraldiak erabat baldintzatu du Zubirin hasi eta bukatu den lasterketa. Euskal Herriko koparako puntuagarria da proba.

Kilian Jornet mendi-lasterkaria izango da protagonista abenduaren 22ko "Helmuga" saioan. Alpine Connections bere azken proiektuaren nondik norakoak izango ditu mintzagai. "Helmuga" igandero duzu ikusgai ETB1en eta eitb.eus-en, 11:30ean.

Malen Osa oñatiarrak azken urtean profesional gisa emandako jauzia azpimarratu du. Udako erronkei begira, neguan prestakuntzarekin jarraituko du.

Arantxa Larrañaga gonbidatu dugu Josebaren sukaldera. Azpeitiako Lagun Onak Mendi taldearen presidentea da, eta aurten egingo den Domusa Teknik 40 MKL lasterketaren inguruko xehetasunak azaldu dizkigu.

Gontzal Murgoitio mendi-lasterkaria eduki du Josebak sukaldean. Mundu mailako lasterketetan ibili da elorriarra eta bere ibilbideaz gain, denboraldian zehar zer jaten duen azaldu du.

Gizonezkoetan, Luca Del Pero italiarra nagusitu da, Manuel Merillas eta Lorenzo Rotaren aurretik. Emakumezkoetan, Daniela Oemus joan da hasieratik lasterketaren buruan, baina azken kilometroan Julia Fontek harrapatu du, eta horrek irabazi du. Onditz Iturbe arratiarrak hirugarren postuan amaitu du.

Hamaikagarren ekitaldia du Gorbeia Suzien mendi-lasterketak, eta aurtengoa ere Skyrunning World Series zirkuituko proba puntuagarria izango da. Gorbeia Suzien mendi-lasterketa zuzenean jarraitu ahal izango da ETB1en eta eitb.eus-en, 08:45etik aurrera.

Larunbat goizean, 8:45etik aurrera, Gorbeia Suzien mendi lasterketa zuzenean jarraitzeko aukera egongo da. Ostegun honetan egin dute aurkezpena, eta maila handiko korrikalariek parte hartzea espero da.

Duela bi urte, Iñigo Uriarte korrikalariak iktus bat izan zuen, eta gaixotasuna gainditu zuen. Lasterkaria izateak sendatze prozesuan lagundu diola aitortu du, eta igande honetan Gorbeia Suzien lasterketan parte hartuko du.