14 urteko zigorra eskatu dute, bi langile hil ziren lan-istripuagatik

2007an Berantevillan hildako bi langileen lan-istripua arduragaberiazko homizidiotzat jo du Arabako Fiskaltzak. Hori dela eta, zortzi urteko kartzela eskatzen du gertaeran nahastutako bi enpresetako bost arduradunentzat. Beste sei urteko zigorra ere eskatzen dute, lesio-delituengatik.

Gainera, fiskaltzak beste sei urteko zigorra eskatu du lesio-delitua egotzita, beste bi langilek izandako zauriengatik. Istripua Bionor Berantevilla enpresaren egoitzan izan zen, azpikontratatutako "Sitemac" enpresako langileak araztegi baten funtzionamendua aztertzen ari zirenean.

Fiskalaren bertsioaren arabera, istripua Berantevilla udalerrian gertatu zen, araztegi industrial baten erreaktorearen funtzionamendua probatzen ari zirela. Bertan hondakin-urak zeuden, lokatzarekin nahastuta eta gas toxikoak ateratzen ziren.

Langileetako batek kordea galdu zuen eta erreaktorearen barruan jausi zen. Beste hiru bera laguntzera joan ziren eta guztiak gasekin kutsatu ziren.

Horietako bat istripuaren lekuan bertan hil zen eta beste bat, zauritutako baten aita, ospitalean hil zen, bi egun geroago.

Arau-hauste "larriak" eta "oso larriak"

Lan Inspekzioak arau-hauste oso larriak antzeman zituen lan-arriskuen prebentzioan, Sitemac-eko administratzailearen, ahaldunaren eta Segurtasun koordinatzailearen aldetik. Horrez gain, arau-hauste larriak antzeman zituen Bionorreko lege-ordezkariaren eta gerentearen aldetik.

Bost pertsona horientzat, Arabako fiskalak lau urteko kartzela-zigorra eskatu du arduragabegeriazko homizidio delitu bakoitzagatik eta hiru urtekoa lesio-delitu bakoitzagatik. Guztira, akusatu bakoitzarentzako 14 urteko kartzela zigorra eskatu du.

Epaiketa datorren astean egingo dute Arabako Lurralde Auzitegian.