Ekonomia -
Otsaileko datuak
Euskal industriaren eskaera zerrenda % 1,9 murriztu da azken urtean
Bestalde, urteko lehen bi hilabeteetan, Euskadiko industria sektorearen fakturazioa % 1,7 jaitsi da, Estatuko batez bestekoa baino hiru hamarren gehiago.
Erredakzioa
Euskal Autonomia Erkidegoko industria sektorearen fakturazioa egonkor mantendu da otsailean, iazko hilabete bereko datuekin alderatuta, baina eskaera zerrenda % 1,9 jaitsi da, gaur Estatuko Estatistika Institutuak jakitera eman duenez.
Estatu mailan, sektoreak % 0,3ko jaitsiera izan du otsailean, eta daturik onenak Andaluzian eta Valentzian izan dira (% 6 eta % 4,5eko igoerak, hurrenez hurren). Jaitsiera handienak, berriz, Kanarietako Autonomia Erkidegoan eta Balear Uharteetako Autonomia Erkidegoan izan dira, % 28,2 eta % 18,3 egin baitute behera, hurrenez hurren.
Bestalde, urteko lehen bi hilabeteetan, Euskadiko industria sektorearen fakturazioa % 1,7 jaitsi da, Estatuko batez bestekoa baino hiru hamarren gehiago.
Eskaera zerrendari dagokionez, Euskadiko industriak datu txarrak izan ditu otsailean, % 1,9ko beherakada izan baitute.
Hazkunde handiena Nafarroan eta Extremaduran izan dira (% 7,9 eta % 6,3, hurrenez hurren) eta jaitsiera handienak Kanarietan eta Balearretan izan dira (% 26 eta % 15,5 egin dute behera, hurrenez hurren).
Hala ere, urteko lehen bi hilabeteetan, eskaera zerrenda zertxobait igo da (% 0,6), Estatuan % 1,3 jaitsi bada ere.
