Ekonomia -
Manifestazioa Bilbon
LAB: 'Confebaskek industrian oinarritutako eredua akabatu nahi du'
Industria sektoreko LAB sindikatuko ehunka ordezkarik manifestazioa egin dute Bilbon. Protesta amaitu ostean adierazpenak egin ditu Etxaidek.
Erredakzioa
Confebaskek industrian oinarritutako euskal eredu ekonomikoa akabatu nahi duela salatu du gaur Ainhoa Etxaide LAB sindikatuko idazkari nagusiak. Sindikatu abertzalearen ahotan, patronalak espekulazioaren aldeko apustua egin du.
Industria sektoreko LAB sindikatuko ehunka ordezkarik manifestazioa egin dute gaur, Bilbon. Protesta amaitu ostean adierazpenak egin ditu Etxaidek.
Enpleguaren eta industriaren egoera salatzeko heburua zuen mobilizazioak. Protesta Confebasken egoitzan bukatu da.
Etxaideren hitzetan, "industria Euskadiko oinarri eta motor gisa defendatzen ari garen bakarrak langileak gara gatazka konkretuetan, erakundeen laguntzarik gabe".
Finantza sistema eta energia multinazionalak
Confebask finantza sistemaren eta energia multinazionalen ordezkaria dela ohartarazi du LABeko buruzagiak.
Azkenik, Eusko Jaurlaritzak Confebasken politika "babesten" duela salatu du Etxaidek. "Ezinezkoa litzateke aurrera ateratzea Gobernuaren babesik gabe, horretarako baldintza juridikoak eta administratiboak behar dituelako", erantsi du.
