Eskoletako jantokietako grebak mantendu dituzte sindikatuek

ELA, LAB, CCOO eta UGT sindikatuek greben egutegia mantentzea erabaki dute enpresekin bildu ostean, gauza txikietan ere akordiorik lortu ez dutelako.

Sindikatuen arabera, enpresek egindako planteamendu bakarra bilerak egiteko egutegi bat finkatzea izan da, eta euren eskaintza mantendu dute.

Bestalde, sindikatuek bilera egutegi hori mantentzea onartu dute, baina "patronalak egoera honen aurrean duen jarrera guztiz etsigarria" dela adierazi dute. Langileen lan baldintzak eta jantokien zerbitzua hobetzeko "borrokan" jarraituko dutela adierazi du ELAk.