Ekonomia -
Europako Banku Zentrala
EBZk bonuak erosteari utziko dio urtarrilean
Bestalde, interes-tasek egungo mailan jarraituko dutela baieztatu du, gutxienez 2019ko udara arte.
Agentziak | Erredakzioa
Urtarrilean bonuak erosteari utziko diola jakitera eman du gaur Europako Banku Zentralak (EBZ), nahiz eta ahulezia ekonomikoa bistakoa izan. Gainera, epea betetzen duten bonuak “denboraldi luzez” inbertituko ditu “interes-tasak igotzen hasten denean”.
Bestalde, EBZk erreferentzia diren interes-tasak ez ditu aldatu, bankuei astero % 0an mailegatzen dielarik.
Gobernu Kontseilua bildu ondoren, bankuei egun bakarreko gehiegizko erreserbengatik % 0,4 kobratzen jarraituko diela esan du EBZk, eta baita egun bakarrean % 0,25 mailegatzen jarraituko diela ere.
Interes-tasek egungo mailan jarraituko dutela baieztatu du, gutxienez 2019ko udara arte.
EBZk agiri batean zehaztu duenez, “denboraldi luze batez” bonuak berriz inbertitzeko konpromisoa hartu du “data pasa eta interes-tasak igotzen hasten direnean”, eta edonola ere, “aldeko likidezia baldintzak mantentzeko beharrezkoa den epea”.
Gaurdaino, aktiboen erosketa netoak amaitu ondoren, bakarrik denboraldi luzez egin behar zuela esan du.
