Ekonomia -
Gatazka
Baliteke jantokietako langileen greba luzatzea
Porrot egin du sindikatuek eta enpresek ostegun honetan lan-gatazkari irtenbide bat bilatzeko egin duten bilera.
Erredakzioa
Sindikatuek jantokietako greba beste astebetez luzatzea proposatuko diete bihar EAEko eskola publikoetako jantokietako langileei, zerbitzua ematen duten enpresetako ordezkariekin izandako bilerak porrot egin ostean. Jantokietako langileek hiru aste daramatzate greban.
Sindikatuek (ELA, LAB eta UGT) Efe albiste agentziari jakinarazi diotenez, langileen asanbladek erabaki beharko dute bihar grebarekin jarraitu nahi duten edo ez, gaurko bileran gertatutakoa azaldu ostean.
ELA sindikatuko iturrien arabera, gaurko bileran sindikatuek bertan behera utzi dute langileen eta Eusko Jaurlaritzako Hezkuntza Sailean lan egiten duten langileen arteko soldaten % 100eko parekatzea, eta % 98an uztea proposatu dute.
Sindikatuen arabera, enpresaburuek arbitrajea proposatu dute lan-gatazka konpontzeko, baina sindikatuak neurri horren aurka daude.
"Bitartekotza batean sartu behar bagara, sartuko gara", esan dute, baina "arbitrajea egiteko baldintzak ez direla ematen" esan dute.
Halaber, Eusko Jaurlaritzaren jarrera gaitzetsi dute; izan ere, enrpesaburuen alde jarri dira, eta "langileak kriminaltzat jarri dituzte gizartearen aurrean".
