Itxi

Ekonomia

Iñaki Garcinuño, CEBEK

"Orain, lanera joatea da arduratsu eta komenigarriena"

Radio Euskadi

Eskaria jaitsi denez, doitze neurri gehiago hartu beharko dira, Iñaki Garcinuño Cebekeko presidentearen esanetan, hala nola “ordu poltsak kendu, goizeko lanaldiak antolatu, ordutegi ezberdinak…”.

  • Iñaki Garcinuño, artxiboko irudi batean

    Iñaki Garcinuño, artxiboko irudi batean

Koronabirusaren pandemiaren biharamunean “enpresek existitzen jarraitzea” nahi bada, Iñaki Garcinuño Cebek Bizkaiko Enpresarien Konfederazioko presidentearen iritziz, “lanera joatea da arduratsu eta komenigarriena, jarduera ekonomiko minimo bati eusteko”.

Telelana eta beste neurri batzuk ezarri beharrari dagokionez, Garcinuñok “Boulevard Informativo” Radio Euskadiko saioan esan duenez, “industrian prebentziozko neurri eraginkorrak hartu behar dira. Eskasia handiena geletan dago, badirudi maskarak iristen ari direla eta ez dago arazorik eskularru eta betaurrekoei dagokienez”,.

“Europa, Italia izan ezik, ez dago itxita”, erantsi du, eta euskal enpresen bezero handienak “Alemanian, Erresuma Batuan eta Frantzian daude, eta funtzionatzen jarraitzen dute, automobilgintzako enpresa handiak salbu”.

Enpresek ekoizpena geldituz gero, baliteke “zigor ekonomikoak” jasotzea produktu edo zerbitzua sinatutako epeetan ez emateagatik. Eskari kopurua jaitsi denez, doitze neurri gehiago hartu beharko dira, Garcinuñoren ustez, hala nola “ordu poltsak kendu, goizeko lanaldiak antolatu, goiz eta arratsaldekoen ordez, ordutegi ezberdinak ezarri…”. “Herrialde industriala da hau, eta ezin dio itxiera global bati aurre egin, horrek gogor joko bailuke gizartea, arlo ekonomiko batetik eta, batik bat, lan arlotik”, erantsi du.  

“Enpresen % 80-85ek eragina igarri dute beren fakturazioan”, eta “beren gain 29.000 langile hartzen dituzte lan erregulazioko aldi baterako 3.382 espediente aurkeztu dituzte alarma egoeraren aurrean itxi behar izan dituzte enpresetan, horien % 60 Bizkaian daudela”, bukatu du Garcinuñok.

 

  • Bisitatuena

      Kargatzen ikusiena
      Kargatzen ikusiena