Ekonomia -

Koronabirusa

Tapia: "Industriaren itzuleran lehentasuna langileen osasuna da"

Ekonomiaren Garapen eta Azpiegituretako sailburuak nabarmendu duenez, jarduerari berriro ekiteko araudi eta protokolo guztiak ahalik eta gehien zaindu behar dira.

Arantxa Tapia, Ekonomiaren Garapen eta Azpiegituretako sailburua. Argazkia: EiTB
Arantxa Tapia, Ekonomiaren Garapen eta Azpiegituretako sailburua.
Tapia: ''Ekonomia egoki batek zerbitzu sozialak mantentzen laguntzen du''

Agentziak | Erredakzioa

Whatsapp Facebook Twitter Telegram Email

Astearte honetan ohiko jarduerara itzultzen diren Euskal Autonomia Erkidegoko (EAE) enpresetan langileen osasunak erabateko lehentasuna izan behar duela nabarmendu du Arantxa Tapia Ekonomiaren Garapen eta Azpiegituretako sailburuak, eta, horretarako, lantokietan segurtasun neurriak zorrozteko eskatu die arduradunei.

Astelehen honetan Gernikako Maier lantegira egindako bisitaren ostean, sailburuak "hibernazioaren etapa" amaitu dela ziurtatu du, eta, ondorioz, funtsezkoa ez den euskal industriaren jarduerari berriro heltzeko ordua dela gaineratu du.

Tapiaren ustez, itzulera horretan, "jarduerari berriro ekiteko araudi eta protokolo guztiak ahalik eta gehien zaindu behar dira, batez ere urruntzea beteko dela bermatuz eta higiene-neurriak mantenduz, astearte honetan lanean hasiko diren beharginen segurtasuna eta osasuna erabateko lehentasuna baita".

"Bigarrena jarduera ekonomikoa berreskuratzea da, etorkizunerako ezinbestekoak diren osasun eta ekonomia baldintzak bermatzea ahalbidetuko diguna", gaineratu du.

Azkenik, egunean zehar, garraio publikoa puntako orduetatik kanpo erabiltzen saiatzea gomendatu du sailburuak, eta prebentzio distantziak mantentzeko eskatu du.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.

Hau zure interesekoa bada, baliteke beste gai hauek ere izatea
Krisi ekonomikoa Eusko Jaurlaritza Euskal Autonomia Erkidegoa Lana Enplegu-erregulazioko espedienteak Ekonomia Eguneko albisteak Albisteak Osasun albisteak Enpresaburuak Koronabirusa