Publizitatea
Itxi

2021/01/05

12:56

Ekonomia

ARABA

Aiaraldean eskualdeko ospitale bat eraikitzea proposatu du EH Bilduk

AGENTZIAK | EITB MEDIA

Europako Funtsen 31 milioiko hasierako inbertsioarekin finantzatzeko zortzi proiektu estrategiko proposatu ditu koalizioak Aiaralderako. 31 milioi horietatik 10 ospitalerako izango lirateke.

  • Egunsentia Aiaraldean

    Egunsentia Aiaraldean. Argazkia: Andoni Aza

  • Whatsapp
  • Whatsapp
  • Telegram
  • Bidali

EH Bilduk Europako Funtsekin finantzatzeko zortzi proiektu estrategiko proposatu ditu Aiaralderako. 31 milioiko hasierako inbertsioarekin eskualdeko ospitalea eraikitzea (10 milioi euro) edo aldiriko trenaren zerbitzua hobetzea (bost milioi euro) planteatu du koalizioak.

Ohar batean nabarmendu duenez, garrantzitsua da 40.000 pertsona baino gehiago bizi diren eskualde horrek esualdeko ospitalea izatea.

Halaber, Renferen aldiriko tren zerbitzua indartzeko bost milioi euro bideratzea proposatu dute. "Aiaraldea Bilbotik 30 kilometrora dago, eta horrek hobekuntza kualitatiboa eskatzen du Bilbo eta Urduña lotzen dituen C3 linean", azpimarratu du EH Bilduk.

Gainera, Nerbioi ibaiaren parke linea berreskuratzea eta Amurrio-Delika zatia bost milioirekin amaitzea du helburu. Azken proiektu horrek bost milioi euroko aurrekontua du.

EH Bilduren esanetan, tarte hori amaitzeak aukera emango luke Aiaraldean oinezkoentzako eta bizikletentzako ibilbide sare bat sortzea.

  • Bisitatuena

      Kargatzen ikusiena
      Kargatzen ikusiena