• EU
  • ES
  • Albisteak
    • Politika
    • Ekonomia
    • Gizartea
    • Mundua
    • Kultura
    • Osasuna eta ongizatea
    • Teknologia
    • Zuzenean
    • Hauteskundeak
  • Kirolak
    • Futbola
    • Saskibaloia
    • Arrauna
    • Pilota
    • Txirrindularitza
    • Kirol gehiago
    • Sailkapenak
    • Zuzenean
    • Euskal Selekzioa
  • Telebista
    • Programazioa
    • Saioak
    • Bideoak
    • ETB1
    • ETB2
    • Etb basque
  • Irratia
    • Euskadi Irratia
    • Radio Euskadi
    • Radio Vitoria
    • Gaztea
    • EITB Musika
    • EITB Euskal Kantak
    • Programazioa
    • Saioak
    • Audioak
    • EITBPodkast
  • Besteak
    • Gaztea
    • 3kluba
    • Kosmos
    • EITBPodkast
    • Eguraldia
    • Trafikoa
    • Erabiltzaileak
    • Herriak eta hiriak
    • Bideoak
    • Audioak
    • Argazkiak
  • Zuzenean
  • Nahieran
  • EITB TALDEA
  • Politika
  • Ekonomia
  • Gizartea
  • Mundua
  • Kultura
  • Osasuna eta ongizatea
  • Teknologia
  • Zuzenean
  • Hauteskundeak

Ekonomia -

Lan-gatazkak

Kaleratzeen eta "prekarietatearen" aurkako aldarriak Bilboko kaleak hartu ditu

Tubacex, Petronor, UTE Bilboko Argiak, PCB, Novaltia eta H&M enpresetako langileek manifestazioa egin dute Bilbon.

Mobilizazioa Bilbon. Argazkia: EFE
Mobilizazioa Bilbon.
Mobilizazioa Bilbon. Argazkia: EFE

1:9

Eriz Lotina | EiTB Media

publikatuta: 2021/05/28 13:44 (UTC+2)
azken eguneratzea: 2021/05/28 19:18 (UTC+2)
Whatsapp Whatsapp Facebook Twitter Telegram Email

Esteka kopiatuta

Tubacex, Petronor, UTE Bilboko Argiak eta PCBko enpresa batzordeek mobilizazioa egin dute Bilbon, "Lau enpresa, borroka bat" lelopean. "Prekarietatearen" kontrako mobilizazioa izan da, eta manifestazioan bertan H&M-eko langileak ere batu dira, LAB sindikatuak agiri batean azaldu duenez.

Horrela, ELAk zehaztu duenez, borrokan ari diren hainbat enpresatako langileek –Tubacex, Petronor, UTE Bilboko Argiak, PCB, Novaltia eta H&M– manifestazioa egin dute Bilbon, "prekarietatearen aurka eta lan-baldintza duinen alde".

"Lan-gatazka ezberdinak dira, bakoitza bere berezitasunarekin, baina badute elementu komun bat: lan-eskubideen defentsa multinazional handien aurrean, pandemiaren ondoriozko egoera ahalik eta etekin gehien ateratzeko erabiltzen baitute", salatu du ELAk.

"Egoera hori posible da egungo lan-legediaren ondorioz, Zapateroren eta Rajoyren lan-erreformak indarrean baitaude", sindikatu abertzaleak erantsi duenez.

Hasiera batean, lau zutabe Guggenheim Museotik, Kale Nagusitik eta Azkuna Zentrotik abiatu dira, Moyua plazan elkartzeko. Bertan Novaltiako eta H&Mko beharginek protestarekin bat egin dute.

"Inor ez dago soberan" zioen pankarta batean atzean, sirena eta petardo hotsen artean Eusko Jaurlaritzaren egoitzara arte bidea egin dute manifestariek. Enpresa-batzorde bakoitzak agiri propioa irakurri du bertan.

Industria eta Eraikuntza federazioko arduradun Mikel Etxebarriak azpimarratu duenez, "enpresa horiek langile klaseari babesa emateari eta lan erreformak indargabetzeari uko egiten dion klase politikoaren laguntza dute".

"Gainera, ez dezagun ahaztu negozioa pertsonen aurretik jartzen duten politikak sustatzen direla, eta ez dutela enpleguen kalitatea gizarte osasuntsua ehuntzen duen sarearen parte gisa baloratzen", nabarmendu du.

Etxebarriaren hitzetan, "guk langileen borroka eta klase-duintasuna ditugu tresna gisa. Bide bakarra dago justifikatu gabeko kaleratzeei aurre egiteko, langileen borroka, eta hori bidezkoa denean elkartasuna sortzen du".

Aldez aurretik, Jon Ayala PCBren enpresa-batzordeko kideak "langile guztien" batasuna azpimarratu du, "Eusko Jaurlaritzari, erakundeei eta alderdi politikoei langileria oso bizirik" dagoela demostratzeko.

PCBko langileek ohartarazi dutenez, "ITPk bere mozkinengatik zergen % 4,6 soilik ordaindu ditu, Jaurlaritzaren diru-laguntza handiak jaso dituen bitartean".

"Gure lankideak kalean ditugu, lanera itzultzeko zain… gure lankideen lanerako eskubidea non dago Tapia andereñoa?", galdetu dio Ekonomia Garapenerako sailburuari, EAEko Auzitegi Nagusiak PCBren erregulazio txostena baliogabe utzi eta 87 behargin kaleratuak berriz onartzeko erabaki ondoren.

Bestalde, Petronorreko langileek salatu dutenez, patronal handiek "bizitzak prekarizatzen jarraitu nahi dute, etekinak areagotzeko"; horrela krisia aprobetxatu nahi dute "denak berdin jarraitzeko". Muskizeko lantegian zortzi hilabeteko erregulazioa aplikatzen ari dira.

Tubacexeko enpresa-batzordeak gogorarazi duenez, dagoeneko 107 egun eman dituzte greban, eta zuzendaritzak planteatutako 129 kaleratzeak bertan behera uztea helburu dutela berretsi du.

"Erregulazioa justifikatzeko arrazoiak testuinguruan kokatu behar dira, argi eta garbi, eta Laudioko zein Amurrioko lantegien aldeko apustua demostratzeko industria plana eskatzen diogu zuzendaritzari, enplegua mantentzeko, inbertsioak areagotzeko eta azpikontratazioa murrizteko", aldarrikatu dute.

Azkenik, Bilboko Argiak konpainiako enpresa-batzordeak gogorarazi duenez, 32 egun eman dituzte greban, eta "udal gobernuaren aldetik jaso dugun gauza bakarra mehatxuak, irainak eta axolagabekeria izan dira".

Erlazionatutako edukiak

Bilbo, gaur goizean. Argazkia: EFE.

Kaleratzeen eta "prekarietatearen" aurkako manifestazioa, Bilbon

"Sos Aiaraldea"ren agerraldia

Lau orduko lanuztea deitu dute ekainaren 2rako, Aiaraldeko enplegua defendatzeko

Tubacexeko langileek Bilbon egindako manifestazioa.

Tubacexeko batzordeak baztertu egin du zuzendaritzaren proposamena, "xantaia delako”

Petronorreko langileen protesta bat.

Petronorreko langileek bederatzi eguneko greba egingo dute ekainean

H&Mko langileen protesta Iruñeko Gaztelu plazan.

Hego Euskal Herriko H&Mko langileek greba mugagabea hasi dute

Langileek kaleratze gutunak erre dituzte.

PCBren batzordeak ez du onartuko kaleratutakoak ez berrartzeko "mendekuzko ekintza"

Hau zure interesekoa bada, baliteke beste gai hauek ere izatea
Errusiaren inbasioak eragindako krisia Bilbo Bizkaia Eusko Langileen Alkartasuna albisteak LAB EAE albisteak Tubacex Lana berriak Petronor bideoak EEE albisteak Ekonomia Eguneko albisteak Albisteak Manifestazioak Sindikatuak Euskal enpresak azken ordukoa CCOO UGT azken ordukoa Lan gatazkak azken ordukoa
Bisitatuena
  • Albisteak
  • Kirolak
  • Kultura
  • Telebista
  • Irratia
    • Telebista:
    • Programazioa
    • Telebista Programak
    • Bideoak
    • Irratia:
    • Euskadi Irratia
    • Radio Euskadi
    • Radio Vitoria
    • Gaztea
    • EITB Musika
    • EiTB Euskal kantak
    • Programazioa
    • Irrati programak
    • Audios
    • Azken Albisteak:
    • Polilika albisteak
    • Ekonomia albisteak
    • Gizartea albisteak
    • Mundua albisteak
    • Bitxikeriak
    • Jendea
    • Teknologia
    • Kirolak:
    • Futbola
    • Emakumeen kirola
    • Pilota
    • Txirrindularitza
    • Saskibaloia
    • Surfa
    • Arrauna
    • Motorra
    • Kirol gehiago
    • Kirola zuzenean
    • Kultura:
    • Musika
    • Zinema
    • Literatura
    • Artea
    • Bertsolaritza
    • Gastronomia
    • Euskara
    • Zinemaldia
    • Multimedia:
    • Bideoak
    • Argazkiak
    • Audioak
    • Gaztea
    • 3 Kluba
    • Eguraldia
    • Trafikoa
    • Zozketak doan
    • Loteria
    • Hauteskundeak
    • Parte hartu
    • Gai interesgarriak
    • Herriak eta hiriak
    • Nola ikusi eta entzun EiTB
    • Podcast
    • Prentsa Aretoa
Facebook Instagram Twitter Linkedin Telegram Youtube Rss Newsletterra
© 2023 EITB.
Pribatutasun Ataria Lege Oharra Cookien erabilera Cookien konfigurazioa Gardentasuna Kontaktua Web mapa
Entidad adherida a Confianza Online