Ekonomia -

Lan-istripua Nafarroan

49 urteko langile bat zauritu da Martzillan, 2-3 metrotik erorita

Corellako behargina helikopteroan eraman behar izan dute Nafarroako Ospitale Gunera. Zauritua etxola aurrefabrikatu baten eraikuntzan parte hartzen ari zen bertako industrialdean.

49 urteko Corellako langile bat zauritu da Martzillan. Argazkia: Foruzaingoa
49 urteko Corellako langile bat zauritu da Martzillan. Argazkia: Foruzaingoa
49 urteko Corellako langile bat zauritu da Martzillan. Argazkia: Foruzaingoa

EiTB Media

Whatsapp Facebook Twitter Telegram Email

49 urteko Corellako langile bat zauritu da ostegun honetan, Martzillako (Nafarroa) industrialdean, enpresa batean bi-hiru metrotik erorita, Foruzaingoak jakitera eman duenez.

Ezbeharra 12:45 aldera gertatu da enpresa batean, Martzillako Complejo Deportivo etorbidean. Behargina etxola aurrefabrikatu baten eraikuntzan parte hartzen ari zen.

Langilea helikopteroan eraman behar izan dute Nafarroako Ospitale Gunera.

57 urteko Irungo langile bat hil zen asteazkenean Igantziko harrobian izandako lan-istripu batean. Era berean, Berriozarko 54 urteko behargin bat hil zen Berriobeitiko enpresa batean, pala kargatzaile batek harrapatuta.

Asteazkeneko heriotzarekin, azken egunetan lau behargin hil dira lan-istripuan, Foru Erkidegoan, LABek agiri batean salatu duenez. "Aste beltz" honetan, bost egunetan, hiru pertsona hil dira lan-istripuan, Nafarroan, 14 urte hasieratik, ELAk ohar batean deitoratu duenez.

Hau zure interesekoa bada, baliteke beste gai hauek ere izatea
Lan-istripuak Nafarroa Lana Ekonomia Eguneko albisteak Albisteak Corella