Itxi

2021/09/28

11:08

Ekonomia

Amiantoa

Amiantoagatik hildako langile baten familiak kalteordaina eskatu dio CAFi

O. P. | Eitb Media

Langilea margotzen aritu zen CAFen, amiantoarekin kontaktuan eta enpresak inolako segurtasun neurririk hartu gabe. Biriketako neoplasia baten ondorioz hil zen, Espainiako Gizarte Segurantzak lanbide-gaixotasun gisa onartuta duena.

  • CAF. Artxiboko irudia.

    CAF. Artxiboko irudia.

  • Whatsapp
  • Whatsapp
  • Telegram
  • Bidali

Amiantoaren eraginpean egoteagatik hildako CAFeko langile baten familiak 169.000 euro eskatu dizkio enpresa gipuzkoarrari, kalteordain gisa Asviamie Amiantoaren Biktimen Euskadiko Elkarteak jakitera eman duenez. 

Elkarte horrek azaldu duenez, langilea margotzen aritu zen CAFen 1965 eta 1995. urteen arteko denbora tarte batez, eta amiantoarekin kontaktuan egon zen "enpresak inongo segurtasun-neurririk hartu gabe". 

Langilea biriketako minbizia baten ondorioz hil zen, eta Zumarragako Ospitalean egindako autopsiaren arabera, heriotza eragin zion gaixotasun nagusia "IV. estadioko biriketako neoplasia" bat izan zen. 

Horren esanetan, Espainiako Gizarte Segurantzak, autopsia hori eskuan, onartu zuen langilearen heriotza eragin zuen gaitza lanbide-gaixotasun batetik eratorria izan zela. 

Osalanek jakitera eman duenez, langilea CAFen amiantoaren eraginpean zeuden langileen zerrendan zegoen. 

Epaiketa asteazken honetan izango da, Donostiako Lan Arloko 2. Epaitegian. Langile ohiaren familiak 168.841,21 euroko kalteordaina eskatu dio CAF enpresari.

  • Bisitatuena

      Kargatzen ikusiena
      Kargatzen ikusiena
    ;