Ekonomia -

'Euskal Y'a

AHTaren Iruñeko lotunea aztertzeko bilera egingo du aurki Ministerioak EAEko eta Nafarroako gobernuekin

Raquel Sanchez Espainiako Garraio, Mugikortasun eta Hiri Agendako ministroak esan du "uda baino lehen" bilduko dituela bi gobernuak.

AHTaren lanak Gipuzkoan. Artxiboko argazkia (2016): Irekia
AHTaren lanak Gipuzkoan.
AHTaren lanak Gipuzkoan. Artxiboko argazkia (2016): Irekia

Agentziak | EITB Media

Whatsapp Facebook Twitter Telegram Email

Abiadura Handiko Trena (AHT) Iruñarekin lotzeko bidea zehazteko bilera iragarri du "uda baino lehen" Raquel Sanchez Espainiako Garraio, Mugikortasun eta Hiri Agendako ministroak Eusko Jaurlaritzarekin eta Nafarroako Gobernuarekin.

Hala iragarri du Sanchezek Kongresuko kontrolerako saioan, Carlos Garcia Adanero diputatuak (UPNtik kanporatua dago) eta Bel Pozueta EH Bilduko ordezkariak egindako galderei erantzunez.

Ministroaren esanetan, "harreman bikaina" du bi gobernuetako garraio arduradunekin. Dena dela, aitortu du "desadostasunak" egon badaudela lotura egiteko bideaz.

Ildo beretik mintzatu da Javier Remirez Nafarroako Gobernuko presidenteorde eta PSNko buruzagiak. Nabarmendu duenez, "laster topatuko dugu irtenbidea". Remirezek adierazi du harreman "ona" duela Jaurlaritzarekin, baina ez du zehaztu zein bide nahiago duen Nafarroako Gobernuak.

Bi aukera omen daude mahai gainean, biak ala biak "aztergai", Sanchezen arabera. "Euskal Y"a eta Iruñea Gasteiztik lotzea da lehenengoa; bigarrenak, Ezkio-Itsasotik (Gipuzkoa) egitea proposatzen du.

Hau zure interesekoa bada, baliteke beste gai hauek ere izatea
Iruñea Gipuzkoa Nafarroa Eusko Jaurlaritza Espainiako Gobernua Ekonomia Eguneko albisteak Gasteiz Albisteak Nafarroako Gobernua Abiadura Handiko Trena Garraio publikoa