Ekonomia -
IZENBURU NAGUSIAK
Albiste izango dira: Gutxieneko soldataren igoera, NATOk bilera Ukrainari buruz eta altxor-letren enkantea
Gaurkoan albiste izango direnen laburpena, hitz bitan.
EITB MEDIA
Honako gai hauek hartuko dituzte gaur, otsailak 14, hedabideetako lerroburu nagusiak:
- Gutxieneko soldataren igoera: Ministroen Kontseiluak gaur onartuko du Lanbide arteko Gutxieneko Soldata (LGS) 1.080 eurora igotzea 14 ordainsaritan, Espainiako Gobernuak, CCOOk eta UGTk adostuta. Neurriak atzeraeragina izango du urtarrilaren 1etik aurrera.
- NATOk bilera Ukrainari buruz: Ukrainaren Defentsarako Harreman Taldeak bilera egingo du gaur, Bruselan, eta bertan, besteak beste, NATOko idazkari nagusiak hartuko du parte.
- Altxor-letren enkantea: 3 eta 9 hilabeterako altxor-letrak enkantera aterako ditu gaur Altxor Publikoak. Iker Ariznabarreta DUT Asesoria aholkularitza konpainiako adituak altxor-letren arrakastaren eta gaurko enkantearen gakoak azaldu ditu.
