Ekonomia -

Greba

Soldaten eta pentsioen aldeko defentsan murgilduta iritsiko da ELA aurtengo Maiatzaren Lehenera

Sindikatuak manifestazioak deitu ditu Bilbon eta Iruñean, pentsioen eta soldaten aldeko grebak bultzatzen jarraituko duela azpimarratzeko.

Amaia Muñoa eta Mitxel Lakuntza, greba deialdiaren aurkezpenean. Argazkia: ELA
Amaia Muñoa eta Mitxel Lakuntza, greba deialdiaren aurkezpenean. Argazkia: ELA
Amaia Muñoa eta Mitxel Lakuntza, greba deialdiaren aurkezpenean. Argazkia: ELA

EITB Media

Whatsapp Facebook Twitter Telegram Email

ELA sindikatua soldata eta pentsioen defentsan murgilduta iritsiko da Maiatzaren Lehenera, eta, horregatik, 'Borrokan, irabazteko' leloa aukeratu du, Mitxel Lakuntza idazkari nagusiak eta Amaia Muñoa idazkari nagusiaren albokoak astelehen honetan aurkeztutako deialdi bikoitzean. Hala, datorren astelehenean Bilbon eta Iruñean manifestazio bana egingo dutela iragarri dute.

Biek defendatu dute greba "gaurkotasun handiko tresna" gisa, eta 2022ko urtekaria aurkeztu dute, iazko 86 garaipen sindikal jasotzen dituena.

Lakuntzak adierazi duenez, "ELA, herri honetako sindikatu nagusia den heinean, harro dago Euskal Herria greba egiten buru delako", greba eta lorpenen artean "lotura zuzena" baitago. Era berean, gogorarazi du datuok bat datozela Europan izaten ari den "greba uholdearekin"; izan ere, Frantzian, Portugalen, Alemanian eta Erresuma Batuan "soldaten eta pentsioen alde mobilizatzen ari dira".

Horregatik guztiagatik, sindikatuak bi deialdi egin ditu datorren astelehenerako: Bilbon, manifestazio bat abiatuko da 11:30ean Jesusen Bihotza plazatik, eta Iruñean, berriz, ordu berean, Gurutzeko plazatik.

Hau zure interesekoa bada, baliteke beste gai hauek ere izatea
Bilboko azken albisteak Iruñea Bizkaiko albisteak Nafarroa gaur ELA albisteak Grebak gaur Euskal Autonomia Erkidegoa Ekonomia albisteak Eguneko albisteak Gaurko azken orduko albistea Azken ordukoa protestak Sindikatuak Lan gatazkak