Gizartea -
Trafikoa
30 km/h-ko abiadura muga ezarri dute Gasteizko hainbat kaletan
Neurri horrekin hiriko zarata eta kutsadura murriztu nahi ditu Udalak.
Gasteizko Udalak 30 km/h-ko abiadura muga ezarri du hiriko hainbat kaletan. Gaurtik aurrera, beraz, ezin izango da abiadura muga hori gainditu kale horietan. Neurriak, hiriko 47 kaleri eragingo die.
Neurri horrekin Udalak hiriko zarata eta kutsadura murriztu nahi ditu.
Bide batez, txirrindularien segurtasuna hobetu nahi dute. Horretarako, aldaketak egingo dituzte hainbat kaletan. Abenduan hasi ziren lanak eta hilabete bukaerarako amaitzea espero du Udalak.
