Gizon bat zauritu da Donostian olatu batek harrapatuta

Olatu batek 60 urteko gizonezko bat harrapatu du Donostian, eta aurpegian zauriak egin ditu, Udalak jakinarazi duenez.

Ezbeharra 13:00ak inguruan gertatu da Paseo Berrian, Aldamar kalearen parean.

Olatu handi batek barraren kontra talka egin du, eta aurretik eraman du gizona. Ondoren, osasun-etxe batera eraman dute, aurpegian dituen zauriak sendatzeko.

Eusko Jaurlaritzako Segurtasun Sailak abisu horia ezarri du bihar eguerdira arte, olatu handiak direla eta; izan ere, 3,5 metro inguruko olatuak espero dira.

Donostiako Udalak gogoratu duenez, Paseo Berria itxita dago.