Publizitatea
Itxi

2013/11/20

17:03

Gizartea

'Talidomida' epaiketa

Talidomida ekoizten zuen etxeak kalte-ordainak ordaindu beharko ditu

Erredakzioa

Administrazioak onartutako desgaitasun gradu bakoitzarengatik 20.000 euroko kalte-ordaina jaso ahal izango dute kaltetuek.

  • Talidomida gaitza duen pertsona bat

    Talidomidaren ondorioz desgaitasuna duen pertsona bat. Artxiboko irudia

  • Whatsapp
  • Whatsapp
  • Telegram
  • Bidali

Madrilgo lehen auzialdiko 90. zenbakiko epaitegiak talidomida botikarengatik kaltetutakoei kalte-ordaina ordaintzera zigortu du Grünenthal konpainia farmazeutikoa. Administrazioak onartutako desgaitasun gradu bakoitzarengatik 20.000 euroko kalte-ordaina jaso ahal izango dute kaltetuek.

Gemma Susana Fernandez Diaz epaileak Avite talidomidaren biktimen elkarteak aurkeztutako eskariaren zati bat onetsi du. Kaltetuek 204 milioi euroko kalte-ordaina eskatu zuten botikak erangidako malformazioengatik. Kalte-ordainaz gain, botika-enpresak salaketa jarri zenetik sortutako legezko interesak ordaindu beharko ditu.

Epaia ez da irmoa eta hogei eguneko epean apelazio errekurtsoa aurkeztu daiteke.

Jarrera arduragabea

Epaileak azaldu duenez, "enpresa farmazeutikoak jarrera arduragabea izan zuen talidomida banatzerakoan, botikak eragiten zituen ondorio kaltegarriak ezagutzen baitzituen".

Ebazpenak dioenez, "salmentak etetearen inguruko informaziorik ez zien eman banatzaileak Espainiako medikuei". "Laguntzaileei ere informazioaren zati bat besterik ez zieten eman ezagutzera", gaineratu du.

"Botika-enpresak bazekien Espainian malformazioak zituzten haurrak jaiotzen ari zirela, eta jaiotza horiek talidomida botikarekin lotu zirela", amaitu du.

Goragalearen aurkako botika

Talidomina haurdun zeuden emakumeei eman zieten botika da, goragaleari aurre egiteko. 50. hamarkada amaieran eta 60. hamarkada hasieran banatu zen botika. Alemanian orain 50 urte debekatu zuten talidomida. Espainian, berriz, urte batzuk gehiagoz errezetatu zen.

  • Bisitatuena

      Kargatzen ikusiena
      Kargatzen ikusiena
    ;