Gizartea -
Frankismoaren biktimak
Frankismoko eta terrorismoaren biktimak parekatzea eskatu du Garzonek
Epaileak "lehen mailako eta bigarren mailako biktimen" existentziarekin amaitu nahi du.
Erredakzioa
Frankismoaren biktimen eskubideak terrorismoaren biktimenekin parekatzea eskatu dio Baltasar Garzon epaileak Espainiako Gobernuari. Horrela, "lehen mailako eta bigarren mailako biktimen" existentziarekin amaitu nahi du.
Frankismoaren krimenen kontrako plataformaren ekitaldi batean egin ditu adierazpenok Baltasar Garzon epaileak. Halaber, hilaren 23an egia, justizia, erreparazioa sustatzeko eta iraganeko gertaerak ez errepikatzea bermatzeko Nazio Batuen Erakundeko Pablo Greiff kontalariarekin bilera egingo dutela iragarri du.
Eskutitz baten bidez Mariano Rajoyri bilera eskari bat egin diotela adierazi du, baina oraindik ez dute erantzunik jaso. Garzonen esanetan, edozein politikarik hiritarren eskariei erantzuteko duen betebeharra ez da betetzen ari. "Ehunka pertsonari eragiten dien kontua da gainera, eta pertsona horiei jaramon egin, erantzun eta espazio bat eman behar die", gaineratu du.
Hori dela eta, frankismoaren biktimentzat ate guztiak itxita daudela salatu du.
