Gizartea -
Galizia
Epaileak bukatutzat eman du Asunta Basterraren auziaren instrukzioa
Egun, Alfonso Basterra eta Rosario Porto adingabearen gurasoak daude kartzelan, hilketa horrekin zerikusia dutelakoan.
Erredakzioa
Asunta Basterraren hilketa ikertzen duen epaileak bukatutzat eman du ostegun honetan auziaren instrukzioa. Jose Antonio Vazquez Tain instrukzio-epaileak uko egin die aldeek aurkeztutako frogei, haren hitzetan ''gehiegizkoak eta atzeragarriak'' direlako, eta ''ez direlako beharrezkoak'', Galiziako Justizia Auzitegi Gorenak jakitera eman duenez.
Epailearen aburuz, orain '' lehenbailehen'' egin behar zaie epaiketa kartzelan dauden pertsonei, auzia atzeratzeak ''ez baitu zentzurik''.
Asunta Basterraren hilotza Teo udalerriko mendi-bide batean aurkitu zuten, Santiagotik gertu, 2013ko irailean. Egun, Alfonso Basterra eta Rosario Porto adingabearen gurasoak daude kartzelan, hilketa horrekin zerikusia dutelakoan.
