Gizartea -
Asunta Basterra auzia
18 urteko zigorra eskatu du Fiskaltzak Asuntaren gurasoentzat
Ministerio Publikoak erailketa egozten die Asunta Basterra neskatoaren gurasoei.
Erredakzioa
Fiskaltzak 18 urteko espetxe zigorra eskatuko du Asunta Basterra Porto haurraren gurasoentzat, Alfonso Basterra eta Rosario Portorentzat. Fiskalaren ustez, alabaren erailketan parte hartu zuten. Clara Campoamor elkartea akusazio partikular moduan aurkeztu da kasuan eta 20 urteko espetxe zigorra eskatu du bakoitzarentzat.
Fiskaltzak bere idatzian jaso duenez, akusatuek elkarrekin hil zuten haurra eta "antolatutako plana gauzatu zuten, Asuntaren aitak 2013ko irailean Orfidal pilulak erosi baitzituen". Idatzian jasotakoaren arabera, neskatoak ezin izan zuela bere burua defendatu ere egin, pilulen eraginpean baitzegoen.
