Gizartea -
Emakumeen aurkako indarkeria
Buruan kolpeak dituen emakume baten gorpua topatu dute Orihuelan
Polizia Nazionala 37 urteko biktimaren bikotekidea bilatzen ari da. Emakumearen gorpua 13:00ak aldera aurkitu dute, baina krimena larunbatean gertatu zen.
Erredakzioa
40 bat urteko emakume bat hilda aurkitu dute gaur bere etxebizitzan, Orihuelan (Alacant). Gorpuak buruan "kolpeak" zituen. Ustezko erasotzailea bilatzen ari dira, Poliziako iturriek jakitera eman dutenez.
"Ustezko genero indarkeria kasu" bat dela diote zantzuek, eta Polizia Nazionala 37 urteko biktimaren bikotekidea bilatzen ari da, desagertuta baitago.
Aldez aurretik ustezko tratu txarren salaketarik aurkeztu ez dutela adierazi du Polizia Nazionalak. Emakumea 13:00ak aldera aurkitu dute gaur bere etxebizitzan, Capuchinos auzoko Oriol kaleko 8. zenbakian, Orihuelan.
"Bikotekideak ustez egindako hilketa" ikertzen ari da Orihuelako argibideetako 3. epaitegiak, Valentziako Justizia Auzitegi Nagusiko(TSJCV) iturriek arratsaldean jakinarazi duenez.
"Gertakariak larunbatean jaso ziren, baina krimena gaur aitortu dio ustezko hiltzaileak biktimaren senitarteko bati telefonoz", TSJCVren arabera.
