Gizartea -
Hernani
Hozkailu-kamioian heldu zen hirugarren irakiarrak alta jaso du
Gazte kurduak 48 ordu eman zituen Donostia Ospitaleko larrialdi zerbitzuan. Asteburua ospitalean igarotzea aurreikusita zegoen, baina alta eman zioten larunbatean.
Agentziak | Erredakzioa
Gipuzkoara asteartean hozkailu-kamioi batean heldu zen hirugarren gazte kurduak medikuen sendagiria jaso du Donostia Ospitalean, zentro medikoko iturriek jakitera eman dutenez. Errefuxiatuak sukarra zuen.
Gazteak 48 ordu eman zituen ospitalearen larrialdi zerbitzuan. Hasiera batean, asteburua ospitalean igarotzea aurreikusita zegoen, baina larunbatean alta eman zioten, hobera egin zuelako.
Hiru etorkinak astearte arratsaldean topatu zituzten kamioi baten barruan, Hernanin. Garraiolari batek kolpeak eta oihuak entzun zituen hozkailu-atoiaren barruan. Kamioiak ananak zeramatzan.
Ertzaintzari eta zerbitzu medikoei abisua eman ondoren, hiru errefuxiatuak Donostia Ospitalera eraman zituzten, hipotermia sintomak baitzituzten. Larrialdietara eraman zuten horietako bat, eta beste biek alta jaso zuten eta Gurutze Gorriaren esku utzi zituzten.
