Bermeoko uretan agertutako gorpua Kantabriako arrantzale batena da

Larunbat honetan itsas zabalean, Bermeoko kostaldetik ordubetera, agertu zen hilotza 35 urteko Kantabriako arrantzale batena da, Espainiako Gobernuak Bizkaian duen ordezkaritzak gaur baieztatu duenez.

Larrialdi-zerbitzuek atzo eguerdiko hamabiak aldera jaso zuten hilotz bat aurkitu zutela zioen abisua. Atseden-ontzi baten zihoazen partikular batzuek aurkitu zuten gorpua eta horren berri eman zioten Ertzaintzari. Gorpua erreskatatzera Itsasoko Laguntzako itsasontzi bat bertaratu zen eta Bermeoko portura eraman zuen. Gerora, arratsaldeko lehen orduetan, gorpuzkia Bilboko auzitegiko patologiako zerbitzura eraman zuten autopsia egiteko.

Kantabriako Guardia Zibilaren iturriek jakinarazi dutenez, Bermeon aurkitutako gorpua Miengoko arrantzalearena izan zitekeela uste izan zuten lehen unetik. "Aukera asko zeuden", gaineratu du.

Urriaren 30etik Miengon falta zen arrantzalearen senideak Bilbora bertaratu ziren bera zela egiaztatzeko.