Gizon bat atxilotu dute Barakaldon, bikotekide ohia kolpatu duelakoan

45 urteko gizonezko bat atxilotu du, bart, Ertzaintzak Barakaldon, emakumeen kontrako indarkeria delitua egotzita, bikotekide ohiari eraso egin diolakoan.

23:00ak inguruan deitu du emakume batek SOS Deiak larrialdi zerbitzura, jipoitu egin dutela salatuz. Ertzaintza biktimaren etxera joan denean, aurpegian ubeldura ugari zituen emakumeak, eta Gurutzetako Ospitalera eraman dute anbulantzian.

Ondoren, ustezko erasotzailea atxilotu du Ertzaintzak, eta gaur goizean bertan eraman dute epailearen aurrera.

_____________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.