Gizartea -
Ingurumena
Ekologistek lau bandera beltz ezarri dituzte kostaldean
Bi bandera Bizkaian jarri dituzte, eta beste biak Gipuzkoan. Arrazoiak kutsadura eta kudeaketa txarra izan dira.
Agentziak | Erredakzioa
Ekologistak Martxanek kostaldearen egoera aztertzen duen txosten bat argitaratu du. Euskadin lau bandera beltz ezarri dituzte bi arrazoigatik: kutsadura maila eta kudeaketa txarra.
Muskizko hondartzaren kasuan (Bizkaia), bandera beltza emateko arrazoi nagusia Petronorrekin erlazionatuta dago. Txostenak dioenez, Euskadi osoan gehien kutsatzen duen findegia da. Izan ere, 2.600.000 tona CO2 igortzen ditu urtero.
Era berean, Oribarzarreko hondartza (Gipuzkoa) zabortegi baten moduan erabiltzen dutela salatu dute. Txostenaren arabera, bertan bainatzeko debekuak urteak daramatzan arren, "inguruko industria askok isurketekin jarraitzen dute".
Bestalde, Laida eta Laga Bizkaiko hondartzei 2015eko denboraleek eragindako ondorioekin egindako "kudeaketa txarragatik" eman diete bandera beltza.
Azkenik, Oriako itsasadarrari (Gipuzkoa) beste bandera beltz bat ematea erabaki dute, bertan "200 etxebizitza egiteko asmoarekin" aurrera jarraitzen dutelako, nahiz eta urpean gelditu daitekeen zonaldea izan.
