Arma-gastua salatzeko bizikleta-martxa egin dute Bilbon, Barakaldon eta Santurtzin

Bizkaiko Foru Aldundiaren Bilboko egoitzatik abiatu da ekimena, 'erakundeek euskal armen enpresei geroz eta babes handiagoa' ematen dietela agerian uzteko asmoz, antolatzaileek azaldu dutenez.

Bizikleta martxa egin dute Bilbon, Santurtzin eta Barakaldon, arma-gastua salatzeko. EiTB

Agentziak | Erredakzioa

publikatuta: 2018/04/07 19:26 (UTC+2)

azken eguneratzea: 2021/06/22 10:10 (UTC+2)

Hainbat gizarte-eragilek bizikleta-martxa antolatu dute gaur, Bilbon, Barakaldon eta Santurtzin barrena, "gudaren, arma-gastua eta industria militarra" baztertzeko.

Bizkaiko Foru Aldundiaren Bilboko egoitzatik abiatu da ekimena, "erakundeek euskal armen enpresei ematen dieten geroz eta babes handiagoa" agerian uzteko asmoz, antolatzaileek azaldu dutenez.

Ondoren, Barakaldon dagoen PCB-ITP enpresara hurbildu dira parte hartzaileak, "euskal armagintzaren negozioan duen inplikazioa" salatzeko. Izan ere, Airbus A400M garraio militarrerako hegazkinaren eta Europako Borroka hegazkinaren osagaiak ekoizten dituzte enpresa horretan.

Azkenik, Bilboko portura iritsi da martxa, Santurtzira. Guda "han" hasten dela nabarmendu dute parte hartzaileek, "armak esportatzen" dituztelako.

Hau zure interesekoa bada, baliteke beste gai hauek ere izatea

Bilbo berriak Santurtzi Zer gertatu da Bizkaian? Barakaldo Albisteak Gaur Gaurko azken ordukoa Protestak gaur Euskadiko bidegorriak

Arma-gastua salatzeko bizikleta-martxa egin dute Bilbon, Barakaldon eta Santurtzin

Esteka kopiatuta