Gizartea -
Emakumeen aurkako indarkeria
Epaileak karguekin libre utzi zuen Ondarroako ustezko sexu-erasotzailea
Ertzaintzak inputatu gisa deitu zuen epaiketa azkar batera, eta epaileak libre utzi zuen karguekin.
agentziak | erredakzioa
Ekainaren 13an Ondarroan ustez emakume bati sexu-erasoa egin zion gizonezkoa karguekin libre geratu zen epailearen aurrean deklaratu ostean.
Ikerketako iturrietatik jakinarazi dutenez, emakumeak ekainaren 13an bertan jarri zuen salaketa Ondarroan sexu erasoa egin ziotelako.
Aipatu iturrien arabera, Ertzaintzak epaiketa azkar batera deitu zuen, eta hori izan zen epaileak karguekin libre uztea erabaki zuen unea.
Ondarroako Udalak elkarretaratzea deitu du gaur 20:00etan sexu erasoen aurka.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.