Gizartea -
ASTE NAGUSIA 2018
Bilboko Konpartsek sexu-erasoen kontrako protokoloa aktibatu dute berriz ere
19:30ean, protesta-kontzentrazioa izango da Areatzako zubiaren ondoan. Goizean, Aburto alkateak baieztatu du lau salaketa eta atxilotu bat izan direla festa hauetan.
EITB.EUS
Bilboko Konpartsek sexu-eraso eta eraso fisikoei erantzuteko protokoloa aktibatu dute gaur, abuztuaren 26, Aste Nagusiaren azken egunean.
Ondorioz, elkarretaratzea deitu dute arratsaldeko 19:30erako, Areatzako zubiaren agertokiaren ondoan (antzinako Boulevardean).
Bertan adierazpena irakurriko dute.
Gaur goizean Aste Nagusiko balorazio ofiziala egin du Juan Mari Aburto alkateak. Jendetza ibili dela eta eragin ekonomikoa oso handia izan dela nabarmendu du, baina sexu-erasoengatik lau salaketa izan direla ere jakinarazi du; azkena, gaur goizaldean, eta gizon bat atxilotu dutela azken honegatik.
