Gizartea -
Gertaera
Aretxabaleta inguruan 70 ardi hil zituzten txakurretako bat hilda agertu da
Ez da jakin nola hil zen, ezta beste txakurra non dagoen ere.
EiTB.EUS
Leintz-Gatzagan, Aretxabaletan, 70 ardi hil zituzten txakurretako bat hil da agertu da, eta ez da jakin bestea non dagoen.
El Diario Vascok argitaratu duenez, basozain batek aurkitu zuen Leintz-Gatzako baserri batetik ihes egin zuen txakurretako bat, ostiral honetan. Asteak zeramatzaten Eskoriatza inguruko ganaduari eraso egiten.
Dirudienez, Ertzaintzak gertatutakoaren berri eman zion Udalari, baina ez zuen nola hil zen jakitera eman, ezta gorpua aurkitu zuten lekuari buruzko xehetasunik ere.
Bestalde, lehengo igandean bi txakurrak "tiroz ez hiltzeko" eskatu zion animalien eskubideak defendatzen dituen ARA taldeak Eskoriatzako alkateari. Horren ordez, dardo lasaigarriak erabiltzeko proposamena luzatu zion. Halaber, gogora ekarri zuen txakurrak albaitari batek hil behar dituela.