Bermeon izandako sexu eraso bat ikertzen ari dira

Emakume gazte batek salaketa aurkeztu zuen atzo, igandearekin, goizaldean Bermeon (Bizkaia) jasandako sexu eraso bat tarteko, Eusko Jaurlaritzako Segurtasun Sailak eitb.eus-i baieztatu dionez.

Iturrion arabera, Ertzaintzak ikerketa zabaldu du, eta erasotzailearen bila ari da.

El Correo egunkariak emandako informazioaren arabera, 20 urteko emakumea da biktima. Igande goizean, 07:00ak aldera, etxera bidean zela, gizon batek eraso zion baina ihes egitea lortu zuen. Ertzaintza inguruko segurtasun kamerak aztertzen ari da, erasotzailea identifikatzeko.

____________________________________________________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.