34 urteko gizonezko batek sexu-abusua egin dio emakume bati Gasteizen

Gasteizko Udaltzaingoak 34 urteko gizonezko bat atxilotu du 30 urteko emakume bati sexu-abusua egin diolakoan.

Erasoa 07:00ak aldera gertatu da Gernikako Estatutuaren kalean. Lekuko baten deiari esker, erasotzailea atxilotu du Udaltzaingoak.

Atxilotzeko orduan, hainbat bizilagunen laguntza izan dute agenteek.

Erasotzailea gaur bertan eramango dute epailearen aurrera.

Udalak eraso matxistak arbuiatu ditu

Egun hauetan gertatutako eraso matxistak arbuiatu eta gaitzetsi ditu Gasteizko Udalak, eta babesa eta hurbiltasuna adierazi die biktimei zein haien gertukoei.

Emakundeko, Eusko Jaurlaritzako, Arabako Foru Aldundiko eta Batzar Nagusietako zenbait ordezkarik hartu dute parte, Gorka Urtaran eta Udaleko gainerako ordezkariekin batera, 13:00ean egin duten elkarretaratzean.

_________________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.