Gizartea -
genero indarkeria
Gizon bat atxilotu dute Gasteizen bikotekidea jotzea egotzita, aurrean alaba zegoela
Erasoa Koroatzearen auzoan izan zen, ostegunean. 5 urteko alaba eraso matxistaren lekuko izan zen.
agentziak | erredakzioa
36 urteko gizonezko bat atxilotu dute Gasteizen, bikotekidea jotzea leporatuta, aurrean alaba (5 urte) zegoela.
Hiriburu arabarreko Udalak gaur, ostirala, ohar baten bidez zabaldu duenez, erasoa 19:30ak inguruan jazo zen. 092 telefono zenbakira egindako dei baten bidez eman zuten abisua, emakume bat laguntza eske zegoelako Koroatze auzoko etxebizitza batean.
Agenteak bertaratu ziren eta, gertatutakoa baieztatu ostean, gizonezkoa atxilotu zuten genero indarkeria delitua egotzita. Atxilotua gaur goizean eraman dute epailearenera.
_________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
