Gizartea -
Indarkeria matxista
Espetxean sartu dute Zamudion emakume bati sexu-erasoa egitea egotzita atxilotutakoa
Erasoa irailaren 2an gertatu zen Zamudion, eta irailaren 9an atxilotu zuten gizona, Barakaldon.
AGENTZIAK | ERREDAKZIOA
Duela bi egun 19 urteko gizon bat atxilotu zuten Barakaldon, irailaren 2an Zamudion emakume bati sexu-erasoa egitea egotzita. Arratsaldean eraman dute epailearen aurrera, eta espetxeratzeko agindua eman du. Basauriko kartzelan sartu dute.
Segurtasun Sailak Europa Press albiste-agentziari jakinarazi dionez, biktimak erasoa izan zen egunean bertan salatu zuen gertatutakoa, ertzain-etxean.
Ikerketa abiatu ostean, Ertzaintzak irailaren 9an atxilotu zuen susmagarria, Barakaldon.
____________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.
