Gizartea -

Gasteizen

Emakume bat zauritu da leihotik erorita, bikotekidearengandik ihes egiten ari zela

Gizonak etxetik irtetea galarazi dio emakumeari eta leihotik behera jaisten saiatu da. Larunbatean beste gizon bat atxilotu zuten, genero-indarkeria egotzita.

Agentziak | Erredakzioa

Whatsapp Facebook Twitter Telegram Email

Gizon bat atxilotu dute igande honetan Gasteizko Adurza auzoan, genero-indarkeria egotzita. Bikotekideak zauriak jaso zituen lehen solairuko etxeko leihotik erori zenean, etxetik ihes egiten saiatzen ari zela, atxilotuak atetik irtetea eragotzi baitzion.

Gasteizko Udaltzaingoak ohar baten bidez jakinarazi duenez, bere etxebizitzatik kalera erorita zaurituta egon zitekeen emakume baten berri eman zuen ezezagun batek telefono dei baten bidez.

Etxebizitzan gizonezko bat eta emakume bat aurkitu zituzten; emakumea ohe gainean etzanda zegoen, minduta, eta orkatilak puztuta zituen. Antza, bikote dira eta eztabaida bat izan zuten. Eztabaida horretan, gizonak emakumeari etxetik irtetea galarazi zion eta emakumea leihotik behera jaisten saiatu zen. Orduan, emakumea lurrera erori eta zauritu egin zen.

Agenteek 33 urteko gizonezkoa atxilotu zuten, genero-indarkeria eta hertsapen delituak egotzita.

Bestalde, larunbatean ere, 48 urteko gizon bat atxilotu zuten delitu beragatik, Zabalgana auzoan.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Indarkeria matxista Araba Delituak Gizartea Eguneko albisteak Gasteiz Albisteak Tratu txarren biktimak Matxismoa

Informazio gehiago