Publizitatea
Itxi

2020/03/18

14:49

Gizartea

Koronabirusa

Etxean bakartzeko neurriak

eitb.eus

Eusko Jaurlaritzak aurkeztu ditu koronabirusean positibo emateagatik isolamenduan dauden pertsonek eta kasu positibo batekin kontaktuan dauden pertsonentzat hartu beharreko jarraibideak.

1:09
Carmen medikua da eta koronabirusarekin kutsatuta dago
  • Whatsapp
  • Whatsapp
  • Telegram
  • Bidali

Mikel Sanchezek bakartuta dauden pertsonek hartu beharreko neurriei buruzko jarraibideak eman ditu, bai koronabirusaren kasu positibo bat direlako, bai koronabirusaren kasu positibo batekin harreman estuan egon direlako. Osasun Sailak modu bisualean argitaratu ditu gomendio horiek.

COVID-19 duten pertsonentzat, hauek dira gomendioak:

-Ahal den guztietan, erabilera esklusiboko logela eta bainugela izatea.
-Gelak aireztatuta egon behar du, atea itxita duela.
-Komunikatzeko telefono operatibo bat.
-Gelatik irten behar badu, pertsonak maskara kirurgikoa eraman behar du, eta segurtasun-distantzia mantendu. Baina, irtetea saihestu behar da betiere.
-Bakartze-egoeran dagoen bitartean, saihestu egin behar du adineko pertsonekin, gaixotasun kronikoak dituztenekin edo haurdunekin bizitzea.
-Logelan zabor-ontzi estalkidun bat jarri, edo itxitura hermetikoko poltsa bat.
-Erne egon edozein gaixotasun-sintoma dela eta.

Etxean bizi diren gainerako pertsonentzat, kontu handiz ibili eta neurri hauek hartu behar dituzte:

-Isolamenduan dagoen pertsonarekin aurrez aurre ez harremanetan jartzea.
-Egunean bitan tenperatura hartzea.
-Pertsona bakar batek eman behar dio arreta pazienteari.
-Eskuak beti garbitzea bakartutako pertsona edo haren tresnak ukitu ondoren.
-Sarritan garbitzea ukitzen diren eremuak: txorrotak, etengailuak, ateen heldulekuak...

Garbitzeko:

-Lixiba erabili (1 zopa-koilarakada litro ur bakoitzeko).
-Bakartuta dagoen pertsonak erabilitako arropa eta izarak poltsa itxi batean sartu behar dira, garbigailura eramateko.
-Sukaldeko platerak, edalontziak eta tresnak tenperatura altuetan garbitu behar dira, ahal dela ontzi-garbigailuetan.
-Eta gogoratu eskuak behar bezala garbitzeaz: 40-60 s urarekin eta xaboiarekin.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu; Osasun Batzordearen telefonoa, 900 20 30 50 zenbakia, eskuragarri duzu, zalantzarik izatekotan. Nafarroan bizi bazara, Osasun Batzordearen telefonora dei dezakezu: 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.
  • Bisitatuena

      Kargatzen ikusiena
      Kargatzen ikusiena
    ;