Gizartea -
Koronabirusa
Bidali zure elkartasun-mezua borrokan dabiltzan osasun-langileei eta gaixoei
Osakidetzako hainbat osasun-zentrok posta elektronikoko helbide batzuk ireki dituzte, herritarrek gutunak, mezuak, marrazkiak edo olerkiak helarazi ahal izan diezazkieten.
EiTB.EUS
Milaka osasun-langile eta gaixo dabiltza borrokan, koronabirusaren krisian, Osakidetzako hainbat osasun-zentrotan, COVID-19 gaitzari aurre egitea helburu. Egunero, alarma-egoerak agindutako konfinamendua hasi zenetik, 20:00etan, herritarrek elkartasuna agertzen diete, txaloka, leiho eta balkoietan; baina orain, halaber, aukera dago haiei helarazteko gutunak, mezuak, marrazkiak, olerkiak, edo nahi duguna, ireki dituzten posta elektronikoko hainbat helbideren bidez.
Hauek dira helbideak:
etxeangeratu.donostialdeaesi@osakidetza.eus
eskerrikasko.osieec@osakidetza.eus
apoyohospitalcruces@gmail.com
quedaosencasa.osiaraba@osakidetza.eus
Gaixoek (gainera, bakartuta daude, senideen laguntzarik gabe), eta osasun-langileek asko eskertzen dute jasotako edozein elkartasun-mezu; hortaz, Osakidetzak parte hartzea eskatu diete herritarrei.
BIDEOA | Babes mezuak bidali dituzte ehunka herritarrek Txagorritxuko langile eta pazienteentzat
