Itxi

2020/04/24

11:26

Gizartea

Koronabirusa

Maiatzean zenbait ikastetxe, denda eta ekoizte-zentro zabaltzea proposatu du Urkulluk

Agentziak | Erredakzioa

Maiatzaren bigarren hamabostaldian izango litzateke. Gainera, "birusarekin denbora luzean bizitzeko prest" egon behar dugula eta "birusa berragertzearen aukera" onartu behar dela esan du.

1:34
Ileapaindegi baten irudia.
  • Whatsapp
  • Whatsapp
  • Telegram
  • Bidali

Maiatzeko bigarren hamabostalditik aurrera zenbait ikastetxek, dendak eta ekoizte-zentrok ateak irekitzeko aukera izatea proposatu du Iñigo Urkullu lehendakariak. Hezkuntzan, derrigorrezko bigarren hezkuntzako laugarren mailako ikasleek, batxilergoko lehen eta bigarren mailakoek eta Heziketa Profesionalekoek klasera joatea da asmoa, denda txikiak zabaltzen joatea, eta eraikuntza sektorea eta ekoizte-zentroak pixkanaka martxan jartzea.

Halaber, lehendakariak kultura zentroak, antzokiak eta museoak zabaltzea eta kulturarekin, kirolarekin eta aisialdiarekin lotutako ekitaldiak antolatu ahal izatea proposatu du, baina murrizketekin, beti ere.

Diputazio Iraunkorrean egindako agerraldian, lehendakaria Normaltasun Berrira Trantsizioa egiteko Planaz aritu da, eta zientziako eta osasungintzako agintarien hipotesiei jarraituz, "birusarekin denbora luzez bizitzeko prest" egon behar dugula adierazi du. Era berean, "birusa berragertzea eta kutsatze berriak egotea" posiblea dela onartu behar dela esan du gaitzaren aurkako "txerto edo tratamendu eraginkorra lortu arte".

Urkulluk azaldu duenez, helburu nagusia da birusaren berragertzeek Euskadiko osasun sistemak "gainezka" egitea eta "normaltasunaren bidean oztopoak jartzea" saihestea dela.

Lehendakariak ziurtatu egin du lehen faseko hiru proposamenak ondorengoak direla: 14 urtez azpikoak heldu batekin etxetik ateratzea, kalean banaka eta mugatutako denboran kirola egin ahal izatea eta Administrazio publikoko langileak mailaka lantokira joaten hastea.

Hezkuntza presentziala

Jaurlaritzako buruak gainera du maiatzeko bigarren hamabostalditik aurrera beste neurri batzuk hartuko direla; halaber, bigarren hezkuntzako 4. mailako, batxilergoko lehenengo eta bigarren mailetako eta Heziketa Profesionaleko ikasleak klasera joatea.

Denda txikiak zabaltzea

Ondoren, merkataritza denda txikiak zabaltzeko aukera aipatu du, ileapaindegiak barne, baina ez tabernak, jatetxeak edota aisialdirako lokalak. Lehendakariak zehaztu egin du denda txikien kasuan supermerkatuetan hartzen diren segurtasun neurri berak errespetatu beharko direla: banan-banan sartzea, inguruko dendetara bakarrik joatea eta beharrezkoa de gutxieneko denboran.

Kultura zentroak, antzokiak eta museoak

Ekoizte-zentroetan eta eraikuntzan jarduerari ekiteko aukera ere proposatu du Urkulluk, eta, ondoren, kultura zentroak, antzokiak eta museoak zabaltzeaz aritu da, baina mugatutako edukierarekin eta distantzia fisikoa gordetzeko obligazioarekin. Kulturarekin, kirolarekin eta aisialdiarekin lotutako ekitaldiak antolatzea ere proposatu du, gainontzeko jardueren murrizketekin.

Ikuskizunak eta jaiak

Jarraian ikuskizunak, jaiak eta ekitaldiak aipatu ditu. Horiei lotuta, aurreneko proposamen bat presatu duela adierazi du, aldun nagusiekin, hiriburuetako alkateekin eta Eudeleko presidentearekin partekatutakoa. "Orain arte pandemiari aurre egiteko 'auzolan' filosofia erabili badugu, Normaltasun Berrira Trantsizioa egiteko Plan honetan are gehiago beharko dugu", azpimarratu du lehendakariak.  

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.
  • Bisitatuena

      Kargatzen ikusiena
      Kargatzen ikusiena
    ;