Gizartea -
Koronabirusa
Balluerkak ukatu egin du EHUren testekin "ezer ilunik" gertatzen ari denik
Errektoreak esan du agian “aste honetan” sinatuko dutela lan-hitzarmena Osakidetzarekin, eta aitortu du “komunikazio akatsen bat” izan dutela.
agentziak | erredakzioa
Nekane Balluerka Euskal Herriko Unibertsitateko errektoreak ukatu egin du "ezer ilunik" gertatzen ari denik unibertsitatean garatu dituzten koronabirusa atzemateko testekin, eta aurreratu du aste honetan bertan sina dezaketela lan-hitzarmena Osakidetzarekin.
EHUko ikasketa anitzeko irakasle, katedradun eta ikerlari talde batek agiri bat kaleratu zuten asteburuan unibertsitatean garatu den testei babesa emateko.
EHUk garatutako testa ohiko PCRak baino metodo azkarragoa, fidagarriagoa eta merkeagoa da, eta genetikoki aztertuta kutsatutako pertsonak eta birusa ez dutenak bereizteko gai da.
Adierazpenaren sinatzaileek "pandemia jarraitzeko irizpideen gainean azalpen publikoak emateko" eskatu diote Eusko Jaurlaritzari, ez baita "ekimen horretaz eta EAEko ikerkuntza-zentro guztietako baliabideez aprobetxatzen ari test masiboak egiteko".
Balluerkak azpimarratu du erakundeen arteko elkarlana egon dela "lehenengo unetik", Achucarro Institutuko eta Biofisika Fundazioko ikerlariek "beti Osakidetzak emandako laginekin lan egin dutelako".
Errektoreak adierazi du "aste honetan" sina dezaketela lan-hitzarmena, eta azpimarratu du ez dela "ezer ilunik" egon, baina balitekeela "komunikazio akatsen bat" izatea.
