Gizartea -
Koronabirusa
Gipuzkoako Aldundiak hondartzen okupazio-mailaren berri izateko APP-a aurkeztu du
Datorren astean egongo da eskuragarri "Nik Hondartzak" aplikazioa, "hondartzak arduraz erabiltzeko eta gozamena eta osasunaren babesa bateragarri egiteko" helburuarekin.
eitb.eus
Gipuzkoako Aldundiak datorren astean jarriko du eskuragarri “Nik Hondartzak” aplikazioa, hondartzen okupazio-maila denbora errealean kontsultatzeko.
Programari esker, denbora errealean kontsultatu ahal izango da hondartzen okupazio-maila, semaforo-sistema baten bidez.
José Ignacio Asensio Ingurmen diputatuaren arabera, “hondartzak arduraz erabiltzeko eta gozamena eta osasunaren babesa bateragarri” egitea da helburua.
Ingurumeneko Zuzendaritzak AZTIrekin lankidetzan garatu duen aplikazio mugikor eta weba 15 minutuan behin eguneratuko da, hareatza bakoitzaren okupazioari buruzko informazioa denbora errealean emanez eta kasu bakoitzean ezartzen diren dentsitate-atalaseen arabera egoeraren berri emanez.
Aforoa zehazteko, gomendatutako distantzia soziala eta hondartza bakoitzaren azalera hartu omen dituzte kontuan.
