Itxi

Gizartea

Euskaltzaindiaren Hiztegia

Euskaltzaindiak beste 719 forma gehitu ditu bere hiztegira azken sei hilabeteetan

AGENCIAS | REDACCIÓN

Berrikuntza guztien artean aipagarrienetako "maskara" hitzak jaso duen adiera berria da: "ahoa eta sudurra estaltzen dituen babesgarria".

  • 719 forma gehitu dituzte Euskaltzaindiaren Hiztegira.

    719 forma gehitu dituzte Euskaltzaindiaren Hiztegira. EiTBko bideo batetik hartutako irudia

Euskaltzaindiak hiztegia gaurkotu du, eta 719 forma gehitu ditu: 41 sarrera eta 678 azpisarrera. Azken sei hilabeteetan arautu dira forma berri horiek eta, gainera, beste 647 forma "osatu edo findu" ditu.

Euskaltzainditik aipatu dute hainbat forma "bitxi" gehitu direla; adibidez, "mandotik astora erori", "mingaina dantzatu" eta "lepoa berotu".

Gainera, hiztegian zeuden sarrerak osatu eta berritu egin dira. "Maskara" hitzak lehen zuen "mozorro" adieraz gain, "ahoa eta sudurra estaltzen dituen babesgarria, agente patogenoetatik, toxikoetatik edo hautsetik babesteko erabiltzen dena " dioen adiera berria gehitu diote.

Gaur egun, Euskaltzaindiaren Hiztegiak 39.292 sarrera, 8.786 azpisarrera eta 66.396 adiera ditu. 2016an, berriz, 37.894 sarrera, 6.969 azpisarrera eta 61.499 adiera zituen.

“Hiztegia handitzen eta lehendik dagoena osatzen eta fintzen ari gara azken boladan. Forma berri-berriekin batera konbinatu behar dira tradiziokoak; horietako asko adibide gisa jasoak genituen, baina bistaratze-saio bat egin dugu azpisarrera gisa jasota, jendeak erraz aurki ditzan”, azaldu du Miriam Urkia Euskaltzaindiaren Hiztegiko arduradunak.

  • Bisitatuena

      Kargatzen ikusiena
      Kargatzen ikusiena