Itxi

Gizartea

KORONABIRUSA

18 positibo berri atzeman dituzte Gipuzkoako 13 herritan banatuta

eitb.eus

Guztira, COVID-19 duten 28 kasu berri agertu dira azken 24 orduetan EAEn: 18 Gipuzkoan, 8 Bizkaian eta 2 Araban.

  • 8 positibo atzeman dira azken 5 egunetan Tolosan.

    8 positibo atzeman dira azken 5 egunetan Tolosan. Argazkia: Txomin Rezola

28 positibo atzeman dituzte azken 24 orduetan EAEn PCR proben bidez. Kasu berrietatik 18 Gipuzkoan atzeman dituzte (oso zabalduta daude kasuak), 8 Bizkaian eta 2 Araban. Gainera, 6 kasu atzeman dituzte test azkarren bidez (proba horiek pertsona batek hartutako immunitatea edo sortutako antigorputzak neurtzen dituzte, eta iraganeko infekzio bat adieraz dezakete).

Zorionez, COVID-19ak eraginda ez da inor hil azken orduetan, eta pandemia hasi zenetik hil direnak 1.622 dira, oraingoz.

Guztira, 3.218 proba egin ziren atzo (3.099 PCR eta 119 test azkar) eta herri hauetan bizi dira atzemandako positiboak:

Gipuzkoan: 4 Tolosan (8 positibo atzeman dira azken 5 egunetan), 2 Andoainen, 2 Irunen, 1 Alegian, 1 Arrasaten, 1 Beasainen, 1 Donostian, 1 Elgoibarren, 1 Hernanin, 1 Hondarribian, 1 Ibarran, 1 Ordizian eta 1 Urnietan.

Bizkaian: 6 Bilbon, 1 Erandion eta 1 Leioan.

Araban: 1 Gasteizen eta 1 Zambranan.

Osasun Sailak eman ditu datuak ezagutzera, eguneroko prentsa-oharrean. Ordiziako agerraldiari dagokionez, gutxienez 73 dira orain arte kutsatuak.

Ospitaleetako egoerari dagokionez, 6 pertsona daude une honetan ZIUn ospitaleratuta, eta bat gehiago ospitaleratu dute plantan.

Koronabirusa atzemateko proban aurretik positibo emandako 26 pertsonak negatibo eman zuten atzo, eta 4 pertsonak alta jaso zuten ospitalean.

1,63 da gaurko R0 indizea (atzo 1,76 zen)

Gaixotasuna gainditu duten herritarrei dagokienez, aurretik positibo eman duten 14.112 gaixok eman dute negatibo jada, eta 4.381 pertsonak jaso dute ospitaleko alta.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak nahitaezkoak dira garraio publikoan, baita kalean eta leku itxietan ere, bi metroko segurtasun-tartea bermatu ezin bada.
  • Bisitatuena

      Kargatzen ikusiena
      Kargatzen ikusiena