Gizartea -

GENERO INDARKERIA

Gizon bat atxilotu dute Gasteizen bikotekideari seme-alaben aurrean erasotzeagatik

Bikotearen adierazpenen arabera, eztabaida batean, gizonak emaztea jo zuen, eta, ondorioz, agenteek atxilotu egin zuten.

AGENTZIAK | ERREDAKZIOA

Whatsapp Facebook Twitter Telegram Email

Ustez genero-indarkeriako delitu bat egiteagatik 40 urteko gizonezko bat atxilotu zuen atzo Udaltzaingoak. Gizonak bikotekideari eraso egin zion euren seme-alaba adingabeen aurrean.

Gasteizko Udalak zabaldutako ohar baten arabera, emakumeak 092 zenbakira deitu zuen Polizia Erdi Aroko hiriguneko etxebizitza batera bertaratu zedin eskatzeko. Dei horretan, bikotekideak eraso egin ziola eta labana bat zuela salatu zuen emakumeak.

Bikotearen adierazpenen arabera, familia eztabaida batean, gizonak emaztea jo zuen, eta, ondorioz, agenteek atxilotu egin zuten. Gaur bertan epailearen esku geratzea espero dute.

Tratu txarrak pairatzen badituzu, edo kasuren bat ezagutzen baduzu, kontuan hartu gida honetako aholkuak, eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea
Indarkeria matxista Araba Gizartea Indarkeria matxistaren biktimak Eguneko albisteak Gasteiz albisteak Albisteak Mundu matxista