Bost positibo Hondarribiko Casa Manolo jatetxeko bezeroei egindako 417 PRC probetan

Txomin Sagarzazu alkatearen arabera, "horrek esan nahi du Hondarribian ez dela agerraldirik izan", eta "arduraz jokatzen jarraitzeko" deia egin du.

Hondarribiako Casa Manolo Jatetxea. — Casa Manolo Jatetxea. EiTBren bideo batetik hartuta irudia.

AGENTZIAK | ERREDAKZIOA

publikatuta: 2020/10/01 14:46 (UTC+2)

azken eguneratzea: 2020/10/01 18:48 (UTC+2)

Bost pertsonak eman dute positibo COVID-19an azken egunetan Hondarribiko Casa Manolo jatetxeko bezeroei egindako 417 PCR probetan. Irailaren 19tik 26ra bitartean establezimenduan egon ziren bezeroak zeuden deituta PCR probak egitera.

Txomin Sagarzazu alkateak ohar batean azaldu duenez, Bidasoako Osasun Erakunde Integratuaren arabera, guztira 417 PCR proba egin eta bost positibo atzeman dituzte.

Sagarzazuren hitzetan, "horrek esan nahi du Hondarribian ez dela agerraldirik izan", eta "arduraz jokatzen jarraitzeko" deia egin du. "Egoerak ez du hobera egin eta segurtasun eta osasun neurri guztiak betetzen jarraitu behar dugu", gaineratu du.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.

Hau zure interesekoa bada, baliteke beste gai hauek ere izatea

Gaurko albisteak Gipuzkoa Hondarribia Gizartea Eguneko albisteak Albisteak Sendagileen albisteak Erizainak azken ordukoa Koronabirusari lotutako azken orduko albisteak Jatetxeak

Bost positibo Hondarribiko Casa Manolo jatetxeko bezeroei egindako 417 PRC probetan

Esteka kopiatuta