Gasteizen emakume bati labanaz eraso egin zion gizona atxilotu dute Burlatan

Erasotzailea 22 urteko espetxe-zigorra betetzen ari da 2002an emaztea hil zuelako Atarrabian, baina hirugarren graduarekin kalean zegoen.

Gasteizko erasotzaileari 22 urteko zigorra ezarri zioten emaztea hiltzeagatik 2002an.

EITB.EUS

publikatuta: 2020/10/20 15:23 (UTC+2)

azken eguneratzea: 2020/10/22 12:47 (UTC+2)

Joan den larunbatean gizon batek bikotekideari labanaz eraso egin zion Gasteizen, 12 urteko alabaren aurrean, eta ondoren ihesean joan zen.

Biktima ospitalean dago, zauri larriak ditu, baina haren bizia arriskutik kanpo dago.

Erasotzailea (Jesus G.P.) gaur, 14:00 inguruan, atxilotu dute Burlatako establezimendu batean. Atxiloketa Iruñeko Udaltzaingoak burutu du eta haien esku dagoela jakinarazi du EFE agentziak iturri polizialak aipatuta.

Atxilotuak indarkeria matxistagatik aurrekari penalak ditu eta hirugarren graduarekin zegoen kalean: 2003an 22 urteko kartzela-zigorra ezarri zioten urtebete lehenago bere emaztea hil zuelako Atarrabiako autobus geltoki batean.

Hau zure interesekoa bada, baliteke beste gai hauek ere izatea

Indarkeria matxista Nafarroa Araba Euskal Autonomia Erkidegoa Gizartea Indarkeria matxistaren biktimak Eguneko albisteak Gasteiz Burlata Albisteak Tratu txarren biktimak Matxismoa

Gasteizen emakume bati labanaz eraso egin zion gizona atxilotu dute Burlatan

Esteka kopiatuta