Publizitatea
Itxi

2020/10/26

11:16

Gizartea

Eneko Goia

Donostia "gune gorrian" sartu da eta murrizketa bereziak izango ditu

RADIO EUSKADI | ERREDAKZIOA

Eneko Goia Donostiako alkateak nabarmendu duenez, Donostia Ospitalea da Euskal Autonomia Erkidegoan eragin handiena duen osasun-zentroa, baina oraingoz ez dago saturaziorik.

  • Eneko Goia

    Eneko Goia

  • Whatsapp
  • Whatsapp
  • Telegram
  • Bidali

Eneko Goia Donostiako alkateak Radio Euskadiko "Boulevard" saioan baieztatu duenez, Donostia kutsatzeen 'zerrenda gorrian' sartu da azken orduetan, 100.000 biztanleko 500 positibo baino gehiago atzeman ostean.

Herritarrei ohartarazi die "legez nahitaezkoak ez diren gauzak" daudela, "baina errealitate berrira arduraz egokitu behar gara", eta "zuhurtzia" eskatu die.

Donostia Ospitaleko egoerari buruz galdetuta, berriz, esan du "nahiz eta oraingoz "ondo eutsi", tentsio handia dagoela Donostia Ospitalean. Goiak baieztatu duenez, "Euskal Autonomia Erkidegoko ZIU gaixoen erdiak" Donostian daude.

Alkateak azaldu duenez, azken datuen balantzearen arabera, 100.000 biztanleko 500 kasutik gorako intzidentzia-tasa dago Gipuzkoako hiriburuan.

Gauzak horrela, Osakidetzak gorriz markatutako udalerrietako bat izango da Donostia, eta bertan sartuko dira indarrean murrizketa berriak. Goiak azaldu duenez, udal taldea LABIk aurkeztuko dituen neurri berrien "zain" dago, izan ere, gune gorrian dauden udalerriei orain indarrean dauden murrizketen esparruan "aldaketak egin daitezke".

Jatorrizko informazioa Radio Euskadik landu eta eitb.eus-ek itzuli du. Entzun elkarrizketa osoa.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
  • Bisitatuena

      Kargatzen ikusiena
      Kargatzen ikusiena