Gizartea -
INDARKERIA MATXISTA
Gizon bat atxilotu dute Barakaldon, emakume bati sexu erasoa egiteagatik
Bilbon bizi den 34 urteko gizona da atxilotua. Argitan Emakumeentzako Aholku Etxeak protesta deitu du biharko, azaroak 1, 13:00etan.
AGENTZIAK | ERREDAKZIOA
Barakaldoko Udaltzaingoak 34 urteko bilbotar bat atxilotu du bart autobus geltoki batean emakume bati sexu-abusuak egiteagatik.
Atxilotua epailearen esku utzi dute larunbat honetan, Barakaldoko Udaleko Herritarren Segurtasunerako eta Babes Zibilerako Sailak ohar baten bidez jakinarazi duenez.
Atzo 23:15 aldera, polizia-etxera joan eta gertatu salatu zuen biktimak, sexu erasoa egin zion gizona deskribatuz.
Udaltzaingoak patruila guztiei eman zien gizonaren deskribapena, eta, minutu gutxiren buruan, agenteek gizonezko bat aurkitu zuten, ezaugarri fisikoengatik eta jantziengatik erasotzailea izan zitekeena. Biktimak identifikatu egin zuen gizona eta udaltzainek atxilotu egin zuten.
Argitan Emakumearen Aholku Etxeak protesta egiteko deia egin du. Talde feministak elkarretaratzea deitu du iganderako, azaroak 1, 13:00etan, Herriko Plazan.