104 kasu berri erregistratu dituzte Nafarroan, % 5,3ko positibo tasarekin

Aurreko egunean baino positibo gutxiago atzeman dituzte, baina aste hasieran baino handiagoa izaten jarraitzen du kopuruak.

EITB MEDIA | Agentziak

publikatuta: 2020/12/25 10:52 (UTC+1)

azken eguneratzea: 2020/12/25 11:03 (UTC+1)

Azken orduetan 104 covid-19 kasu berri erregistratu ditu Nafarroak, Foru Gobernuak emandako datuen arabera. Aurreko egunean 124 izan ziren.

1.948 PCR proba eta antigeno egin dituzte guztira, eta horien % 5,3k eman du positibo. Beraz, positibotasun tasa ere aurreko egunean baino txikiagoa izan da (% 6,4 izan zen).

Hala ere, astearen hasieran kopuru txikiagoak erregistratu zituen foru erkidegoak: asteartean 70 positibo berri izan ziren (% 3,3ko tasarekin); astelehenean, 79 kasu eta % 4,7ko positibo tasa, eta igandean, 57 kasu, proben % 5,8.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Hau zure interesekoa bada, baliteke beste gai hauek ere izatea

Bizkaia Gipuzkoa Nafarroa Araba Euskal Autonomia Erkidegoa Gaixotasunak Gizartea Eguneko albisteak Albisteak Osasun albisteak Medikuak Erizaintza Donostia Ospitalea Nafarroako Ospitale Gunea Koronabirusa Osasunbidea

Informazio gehiago

Hauxe da Nafarroatik ateratzeko beharrezkoa den dokumentua

104 kasu berri erregistratu dituzte Nafarroan, % 5,3ko positibo tasarekin

Esteka kopiatuta

Informazio gehiago